Ayuntamiento de Sieru -Foto Asturias Verde-Nota de prensa de Andecha Astur Sieru
Dende Andecha Astur Sieru queremos amosar el nuestru rechazu a la creación del denomináu bulevard na cai Alcalde Parrondo. Depués de ver les alternatives, idées y puntos de vista daos tanto dende grupos políticos, como agrupaciones vecinales amosamos la nuestra disconformidá con esti plan urbanísticu nuevu ideáu unillateralmente pola agrupación socialista del conceyu.
Tenemos qu'almitir que'l nuestru rechazu nun ye absolutu, yá que baxo les nuestres idées de política municipal siempres espresemos que son los vecinos los primeros que deben decidir sobre la conveniencia o non d’obres como esta, yá que son ellos los que’l día de mañana disfrutarán o non de les mesmes.
El gran problema del bulevard ye la cerrazón de los que s’autodefinen como grandes demócrates (PSOE), empeñaos n’implantar la política del “Sí o Sí” a toa costa, sin sopesar, al nuestru entender, tolos contras qu’ocasionaría la peatonalización d’una de les arteries de La Pola y tovía mucho más grave, pasando per enriba d’opiniones contraries al proyectu.
El menospreciu hacia la ciudadanía nun se queda atrás, ya que parez que dende Corrales y los sos acérrimos la única rempuesta ye que debemos de “Darnos cuenta de el cambio que está dando La Pola”, fechu que parez quenamás mentes privilexaes como la d’estos son capaces de captar.
Nun falaremos de la urxencia d’acometer planes que regulen y creen zones d’aparcamientu (gratuitu) na villa, nun falaremos del embudu que sedría la entrada pola zona de La Isla col aumentu de tráficu, así como de contaminación y molesties de ruidu, nun falaremos del sobrecoste que pue producir el crear esa irreal alternativa de cais paraleles a Alcalde Parrondo pa bifurcar el tráficu, creando además guapos itinerarios d’urbanismu polesu pa que’l visitante se deleite mientres alcuentra como llegar al so destín. Nun falaremos de too ello porque parez que lo unico que-yos importa a Corrales y el so democráticu partíu ye dexar pa la posteridá una obra faraónica cola que ser recordaos polos polesos cuando vayan a la zona este de la so villa.
Desde Andecha Astur emplazamos a la ciudadanía a tomar la pallabra sobre’l bulevard, facese sintir y dar la pallabra última y decidir por ellos mesmos.
Os informo de la existencia de una radio streaming (www.ibisi.es) con excelente música libre de derechos de autor a cuya descarga se puede acceder de manera legal y gratuita. Ni la SGAE ni nadie puede cobrar NADA, nunca, por ponerla en público. Un cordial saludo,
ResponderEliminarhttp://www.ibisi.es